دكتور مهندس جم...'s profileمصر هى بلدىPhotosBlogListsMore  |  Tools Help |
|
10/26/2009 أعطني حريتيأعطني حريتي
 لا تكبلني بقيودك أعطيك كل ما لدي من فكر وإبداع  قيودك تخنقني حتي في رحم أمي كنت مقيدا في رحمها لا أستطيع اللعب وعندما خرجت من رحمها مسكني الطبيب من رجليا وهات يا ضرب علي مؤخرتي أي ذنب أقترفته لأضرب هكذا وفينك أنت يا جان بول سارتر تشوف اللي جرالي  ومن يوميها وحريتي في النازل يا عالم يا هوووو ألعب مع الأولاد وبلاش تلعب مع البنات ولما كبرت ورحت المدرسة المدرس يضربني بالعصاية وماما تقولي أوعي تتشاقا لأحسن أجيبلك العسكري وبلاش تشوط الزلط والحجارة الجزمه حتبوظ ومتقفشي علي الناصية ومتعاكسشي البنات  ومن يوميها وحريتي في النازل يا عالم يا هوووو ولما خدت الثانويه العامه وقلت أخش الفنون الجميله قالولي هو أنت علشان إسمك جمال وبيدلعوك جميل يبقي لازم تخش الفنون الجميلة إبن خالتي بتاع الهيئة العامة للتصنيع حلف أن الخطة الخمسية محتاجه مهندسين والمهندس جاي والمهندس جاي ودخلت هندسة اسكندريه وأنا من شبرا مصر ومن يوميها وحريتي في النازل يا عالم يا هوووو أحلوت اسكندرية وبنات بحري في عينيا قلت ما بدهاش تبقي هندسه بحريه بلاش الميكانيكا والكهربا أبويا حلف أحول هندسة القاهرة وعينيك ماتشوف النور وعلي القومسيون الطبي نقلوني القاهرة ومن يوميها وحريتي في النازل يا عالم يا هوووو ولما كبرت وعجزت وقالولي في منتدي عاوزك حتحل ليه مشكلة أسباب سرطان الأطفال وهب لقيت نفسي هنا عندكم وأستغربت الناس من أسلوبي الجديد عليهم وعافرت في اللي ربني وهبهولي من ضحك وفن وسياسة وطبيخ ووسع سقف الحريه شويه بعد ما أتقفل في وشي في الصحافه المصرية وقالولي أقف عندك في نهضة مصر بعد نشرهم مقالي الحل السحري في ١٥ خطوة بعد ما كان في ١٩ خطوة وكان ده يوم ١٦ فبراير ٢٠٠٥ ومن يوميها وحريتي في النازل يا عالم يا هوووو ورضيوا بمقالاتي في السكوت ممنوع ولما تغير المشرف هناك وكان أسمه بالصدفه محمد الشربيني  وجه مشرف جديد صاحبنا من بريد الأهرام وأشهر صديق لكل الصحافه المصريه بقي هو اللي يكتب وبس والسكوت ممنوع بقي الكلام ممنوع ومن يوميها وحريتي في النازل يا عالم يا هوووو شفتوا مشوار حريتي طويل أد إيييه ومازال المشوار مستمرا طول ما هناك قلب ينبض بالمره أنا كمان
__________________
 تريضوا تصحوا TrackbacksThe trackback URL for this entry is: http://gmsherbini.spaces.live.com/blog/cns!65D92B022565E3B1!4084.trak Weblogs that reference this entry
|
|
|
